Euskal Herriko emakume feminista, subiranista eta independentistak gara; jatorri, eremu eta borroka politiko ezberdinetakoak. Euskal Herriko egoera aztertzen dugu, ikuspegi feministan oinarrituta. Urteko koiunturaren azterketa egiten dugu ikuspegi feministatik, eta Euskal Herria trantsizio feministan non kokatzen den aztertuz.
2023ko dosierra
Lehen dosierraren ekoizpena hainbat hilabetetako prozesu kolektiboa izan da: talde sustatzaileak egin du edukiak osatzeko lan mardulena. Ondoren, otsailaren 17an Talaia Feminista Unea egin dugu hainbat eremutako 170 emakume feminista eta subiranistak Orereta/Errenterian. Ariketa kolektibo zabal horrek emandakoarekin osatu dugu behin betiko dosierra.
Ondorio eta gomendioak
Talaia Feministak eragitea ere badu helburu, eta asmo horrekin ondu ditugu gomendioak. Euskal jendarteari, erakundeei eta eragile sozialei zuzendu dizkiegu, trantsizio feministaren norabidean eragiteko helburuz.
